பூரிப்போம் புத்தாண்டில்

பூரிப்போம் புத்தாண்டில்

வரலாற்றை பதிவு செய்யும்
வண்ண நாயகியின் பிறந்த நாள்
ஆகையால்
உரக்க கூச்சலிடு
உன்னதமாய் பாட்டுப் பாடு
ஊர்முளுக்கப் பறை கொட்டு

தீயோர்க்கு தீயவை தந்து
எடுத்துவைத்த அடி எல்லாம்
ஏழ்மையை விரட்டுது என்று

விடிகின்ற புதுநாள் எமக்கோர்
விடுதலை தரும் என்றும்
உரக்க கூச்சலிடு !
இரவெல்லாம் விடியலுக்கே
இடரெல்லாம் மகிழ்ச்சிக்கே
எனச் சொல்லி
வந்தனைக்கும் காலச் சுவடு பதித்திடவே
உன்னத பாட்டுப் பாடு !!

போனது போகட்டும் இன்று
புதிதாய் நாம் பிறந்தோம் இனி
புதியதோர் விதி சமைப்போம் என
ஊர்முளுக்கப் பறை கொட்டு !!

வேதனைகள் புறந்தள்ளி
சாதனைகள் ஏற்றுக் கொள்வோம்
நாயகின் பிறந்தநாள்
போற்றுவோம் புத்தாண்டன்று

கவிஞர் கழுகுமலை இல. ஸ்ரீகாந்த்